Hooyo, Abwaan Luqmaan |
Hooyadu inay qaali tahay hubanti weeyaane layskuma hayoo waa midaan hadal ka taagnayne waa geed harweyn oo khalqigu ku hiranayaane aabbahoo halgamayoo naftiyo huraya maalkiisa hadalkii rasuulkay xaqnimo uga horraysaaye halka diintu saartay jannada gelisay hoosteeda hiiroo in ayy tahay ayaan helay akhbaarteede Sagaalkii bilood ee horeen hurudnay uurkeeda hakad baa tallaabadii galoo hiirgab bay noqotay hilibkiyo bariiskiyo cuntada ka hortimoo diidday barar baa hareeyoo hurdadii toos u heli weydey waxa hawlay hooyada ilmaha ku hilan uurkeeda iyadoo habkaasey mar qura soo herdiday fooshu halhaleel nafteediyo markii hadadii loo yaabay hiilkii ilaah baa ilmihi hore u soo dhaafay. Iyadoo hafeefaysa oo habayo dhiiggiina horaaddada intay noo dhigtay weliba noo heestay caanahay habeenkii innago hurudna ay qooshto ******** hore nagama siisee iyadaa ku hormartoo eegta halis iyo dhibaatay intaa naga hor joogtaaye hareeraha ayey eegaysaa gogosha hooskeeda ammaankeenna ayumbay hubee had iyo gooraale. ********* Qofkii hooyadii nooshahow hadal xun haw quurin ha ku oran war ay ka hakatoo huriya laabteeda qofkii hooyadi nooshahow waa hantiyo maale war waa hibo ilaahay watiyo hodanka deeqdiise haddii hooyadaa ay hantiyo halal ku weydiiso oo aadan haynoo markaa heli kareyn taagga haye hooyo hadalkaagu waa inuu ahaadaaye. Harka galay habeenkoo dam yiri hiirta waaberiga waxay ku hammidaa waa in aan horumar gaarnaaye hoombow haddii ay dhashiyo hacow ka sii liita hudur iyo halyey baan dhaley ku hanjabaysaaye habaar nooma quudhee ducay na huwinaysaaye qofkii hooyadii nooshahow hadal xun haw quurin ha ku oran war ay ka hakatoo huriya laabteeda. Hooyadeen ilaahow ka hay dhibo halaakeeya hodonnimo ilaahow ku sii dunida hooskeeda caafimaad allow ku huwataa had iyo gooraale haddii uu waqtigu soo galoo malaggu hoomaayo hawl yaraan ilaahow naftiyo hadada loo qaado hogga iyo ilaahow qabriga hanato tawxiidka halka lagu hakaniyo barzaqa harac qabow seexi ilaahow jannada halacsataa iyo hibaaqeeda halkii qiyaamada allow hagar la'aan dhaafi haawiya ilaahow ka hay naartu waa halise halkii nabigu joogiyo allow lagu hagaa kharyka. Hal abuurro baa jirey iyagu hore u faalleeyey hadraawiyo Carays Ciise waa ugu horreeyeene oo heenki af soomaligay hore u qaateene halkii ay dhigeen aniga oon hadal ku gaareynin intaasaan ku soo hooriyoon ku hakinaayaaye. halkii nabigu joogiyo allow lagu hagaa kharyka. Dhegeyso Abwaanka Codkiisa Maxamed Cabdi. aamaguul@hotmail.co.uk |
© All Rights Reserved aamaguul.com | Contact: webmaster@aamaguul.com | Designed by Mhmd aamaguul.