Dawrka Hooyo waa kee? 30-05-2013 |
01- Hooyadu waa tii Abwaan Hadraawi hooyadiis libaax uga qarisay labadeeda lugood dhexdooda ee dhawr KM la sulsulaysey iyadoon dan ka lahayn nafteedee ma wax ehelkeedii la laayaa ? 02- Hooyadu waa tan burburkii dawladdeennii kaddib qoyskii oo dhan kafaala qaaddoo shaah ama jaad dariiqyada la fadhisoo bitada iyo cadceeddu ku dishaye ma wax ehelkeedii la laayaa ? 03- Hooyadu waa tii Boqorkii kibraye Asxaabul-Ukhduud dadkuu dabka ku gurayey, hooyadii markii ay godka ku sii dhacaysey cunuggii ay xambaarsanayd gacanta kor ugu taagtay bal si uu usii noolaadee ma wax ehelkeedii la laayaa ? 04- Hooyadu waa tii markii doqonkii ay dhashay iyo xaaskiisii dhibaatadii ay u geysanayeen ka tan badisay ee iyadoo ilmaynaysa uu afkeedii inuu habaartamo dibnaha u kala qaaday ay ku tiri: maandhow sida aad nolol adduunyo iiga dhawrtay adna naartii allaha kaaga dhawro, ee ma wax ehelkeedii la laayaa ? 05- Hooyadu waa midda naaskeedu quudkeenna ahaa, dusheedu gaadiidkeenna ahayd, dhabteeduna musqusheenni ahayde, ma wax ehelkeedii la laayaa ? 06- Hooyadu waa mukulaasha iyadoo umul ah oo baahan qaraabkeedii ugu horreeyey hilib jiir ah laamiga orod kula goysoo u sidda ubadkeediiye ma wax ehelkeedii la laayaa? 07- Hooyadu waa digaagadda ama doorada ubadkeeda risiqii ilaahay u qoray uga baarta dhulka iyada oo afkeeda u gacanta ah kaashanaysa ee u kala tuuryeysa iyagoo daba yaacaya, ee ma wax ehelkeedii la laayaa ? 08- Hooyadu waa digaagadda curri ama bisadka iyada keliya ka adag oo cuna, marka ayse ubad wadato nafti-hurnimo darteed ay uga adkaatoo ubadkeeda ka difaacdee ma wax ehelkeedii la laayaa ? 09- Hooyo shimbir aad u yar ah, oo Bisad weyn ka difaacanaysa ilmaheedii ilaa xaal ku dhammaaday sidan: عصفورة تدافع عن فرخها فتدفع حياتها ثمنا 10- Hooyo Boolo-boolo oo inta ay Rabbi talo saaratay carruurteeda uga gudbinaya laami Highway ah: بطة وصغارها تقطع طريق اربع مسارات 11- Hooyo Shimbir ah oo ilmaheeda ka difaacanaysa Waraabe: البطة الأم في مواجهة الضبع لن تصدّق ما تراه 12- Hooyo Deero ah oo ubadkeedii ka difaacanaysa cadow ka xoog weyn: غزال تدافع عن ابنها 13- Hooyo shimbir ah oo ubadkeedii quudinaysa: الام تطعم فراخها ( الجزء الاول ) |
© All Rights Reserved aamaguul.com | Contact: webmaster@aamaguul.com | Designed by Mhmd aamaguul.