|
Taawilo Sida ka muuqata maansada waa burburkii horjoogihii millaterigii, is-haaraan & is hiifad isagiyo kooxdiisii, & baabuurkuu ku qaxayoo taayar ka banjaray, haddana demay ee meel taag ah dib uga soo taraaraxay, iyo shallay badan. Takri fale ma maqasheen, Afkii toorri dhooblaha markuu Gacan togaalaha, ku marsaday tigaaddii Tusmadiisa gogashiyo, Tuugeysi kaga baxay Xagashada tammuuxdii, Gujadiyo tantoomada kaga tuujey mililkee, Sida qalin tahliileed Tutuwaha cantuugee, Yiri "toojo wiilkaa Toogadiisa kaa waa, isna tuurin kuu qorey hadba tiisa kugu maal, Taana waa naqaannaa Toobaddayna yeelkaa" Isagoo tigtiganoo, Tawan oo werwerayaa Teelifoon ku soo dhacay, Wahan tooxan loo dhiib Teneg iyo qabqaba maqal, Taammilooyinkii dhawr ka taweli astaamaha, wuxuu yidhi "tartiib hoos igu timi cadceeddaan, Toban guuraheedii iyo weliba taartaar, u tumaayey saantoo waanigan tin iyo cirib, Tifta dhididka hooree Alleylehe tus baa jira" Wuxuu taa ku sii daray, Weedhaydi tooxnayd Warankaygi toosnaa, Tubihii qorshaysnaa u tallaabi waayoo, Tabahaygi maalmahan Togog soo rogmadey baa, Dib u soo tufaayee maxaa toobiyii helay? Wuxuu taa ku sii daray, Tarmi weydey beentaan Taabba geli is iriyoo, Tiradaydu meel bay ka takoorantahayoo, marka aan toddoba jeer Toban-Toban u geeyaba, Taf kalaa furmaysoo Wadar aanan filan bay, iska kay tusaysee bal tabaalahaa daya! Wuxuu taa ku sii daray, Tahar aan liq iri baa ----------- igu turunturrootoo, waxay taagan tahay meel Taladeedu dhimatee, Tolow yaa fareeya ah Wuxuu taa ku sii daray, Wakhtigii tin laga goo wax tashiilo igu yiri, anna taawintaydii iri hay tafaafulin, isagayga toosnaa! Gaarriyow Tareenkii, Lugu tacab khasaaree Taabka riixi waayee, Tamartiisu guuxiyo Tallan qura ku koobnayd, mar horuu tolweynihi Guradiisa tuurraa, Tarab tarab u daadshee Tun ku shaashlayaashay, Hasha wada tadcaarteen Ninba toogti garangari Tawstii bacaadkaa, Teedkii hoggaankiyo Taxanaha wereegiyo, Tolommada burbirsoo Tayo socod ka dhimatee, Biro wada tafiir go'ay wuxu soo tukubiyaba, markuu taaggi hoos yimid Toolmoonayaashiii, Tuugna anu xadi jirin inuu Daafta kaga tago, ayay sheekadii timi Waxay ugu tiraabeen, dhaaxaannu tiirkiyo Tiska culus Samaalow, kaa tiirinaynee hanna tuurin jaallow Wuxu yidhi "maxaan tari, ama idinku taakulin iyadaygu tumatoo, ina kala taxaabtee" -------------- Wuxuu taa ku sii daray, waxaa toogta feleggiyo Toommantiyo Guhaankiyo, Tusbaxaygu igu yiri Xiddiggaagu tuuxee, Toommo oodan buu galay Galbashada ku tiigaal, kula dhacan taraarkii waad is tukhun-tukhaysee, ama taarka kala goo ama tab iyo xeeshaa, ka tallaabso Oodaha Taxanaha awaalkiyo, Toyashada ayaamaha Taawilooyinkaygii, Runta iiga turi jirey ---------- Toddobaad ma gaadhay, Tafta iigu laabeen Wuxuu taa ku sii daray, Haddii yoolka lays tubo NaAïf taada weeyee, anba waxan hor taagnahay -------- --------- --------- Taariikh i neceboo, Qayrkayba taajkiyo Billadaha u tirisee, haddii aad tasawdeen anba tegey sidiinnee, maxaad igu tuhmaysaan? bal tafeenahaygiyo, Taagtayda milicsada Aniguba tib culus iyo, Tukubaan cuskanayaa kuma taagni lugahee, haygu tiirsan Laangare Dhan kalay ka taabteen Ninkii taarta Liibaan, Uma tooggo qumiyee ------ Ma tix gelin dhegoolee, Talan taali laafyaha Caga jiidka taran tari Wax la yiri tin caarrow, Looxa waad ku taallaye haddii Alifki kaa tiray, Ta'da yaa u magac dhaban? Wuxu yiri Sir baa taxan, Tartankay ka mudan tahay Taban-taabshaheeduna, Nin tar sheegta ma oggola WaxSE teeyo lagu dhaqay, Halaan Awrba loo tu'in Ninkii tuudiyaa falan Wax la yiri "Tinniixow, Tu Allaba ku biirsoo xaggee taadu suran tahay, Warka nooga tibix sii? Wuxu yiri "tibaaxdiyo, Toyashadu Gar weeyee Hadday tuludi aadkeed, Takar dhabasho badan tahay ----------- Nin turxaan ka filayaa, ka tabaabushaystee miyaan laba tagoogood, Garashada u taba baray? Boqorkii tilmaannaa, Mar labaad tareenkii Tooc tooci keligii, hadba dhinac u tooree Tabca saar Qalfoofkii Markuu tiiradii hoLay, ayaa Taayar boodoo ---------- Tafan toofe waa kaas, dib u soo taaraaree Alla Taako yaw dhiga. Isagoo tarwarayoo, Tarshaduhu sitaan buu Tan-tannida ka soo degey, Tacsidii dad baa yimi Tiiq tiiqsi digashada, Turqe Meydka weli nool Wax la yiri "Gol taah iyo, Tiic tiica Murugada Adigaa tallaashoo, Tiiraaanyo beeree ka cantuug Tif iyo daran Adigays taftaafee, ha ku taamin shaalkii Taabka aad ku haysee, siduu kaaga tegey sheeg? Tub hayowna aashaa, ha is taawin keligaa waannu kaa tab haynaa, Bulshadaa tixraaciyo Taladiyo guddoonka leh Wuxu yiri " tawaawacay, Turubkana sokaan degey Wax kaloon tammadiyoon, Tobanlaha ku waabshaa Taabkayga kuma harin, Tuur-tuurka geba gebo Toddobaale igu dhiga, Lixle dhiirran igu tuma" Boqorkii tilmaannaa, Taagtiisa kibir oo Qayrkii ku tanaxwee, Tagganaan ku raacdee inay tiisa noqotee, Tartankaa ku dheeraa Wuxuu tiigsanaayiyo, Tuun-tuunsigiisii Taabba qaadi waayoo, Tafa xaydadkiisii Labadaba tukaa cunay. Duni toocsi mooyee, ninna Taab ku qaban waa Qofba wuxuu ka taransaday, Teel teel ku noqotoo inkastuu ku talax tago, wuxuu tabanayaa badan Tagtadiisa xiise, Tiisa joogta haaraan kaga daran timaaddadu, Tixdu waa abbaartaas. |
|
|