|
siddi qabax Saaxiibkay Qaysow, Marka hore salaan guud Marka xiga sedkaagiyo, Waxa aad ku sugan tahay Waa inaad na siisaa, Marka xiga silsiladii Murtidaadi soocnayd, Subciyoo dhameeyoo Solayoo bisleeyoo, Dabadeedna siistee Saaxiib ma nabad baa? Sumaddeedu waxay tahay, Roob saaka da'ay baa Sar-ka dhaban la yimidoo, Anna seexan maayee Saaxiib ma nabad baa? Summadeedu waxay tahay, Heestaydu waa siin Sidig weeye dihinoo, waxa loo saddexa maray Dadka haw sinnaatoo, Ruuxii saboolihi Caanaha ha sayree, Saaxiib ma nabad baa? Heestaydu waa siin, Waa sooryo xididoo Saxar laga ilaashoo, LaGAa sugay bidhiiqoo --------- La saluugi maayee, Saaxiib ma nabad baa? Sumaddeedu waxay tahay, Saxan-saxo ma roob baa? Seed geel ma hilib baa?, Seko Ari ma xoolaa? Far-dhexaad ma suul baa?, Sakaraad ma lool baa? Biyo sare u jeedaa, Halka ay sal-dhigayaan Sahan raacay weydii Sumaddeedu waxay tahay, Cabdiyow sabeenihi way sumal-xadeenoo, Midi haysa sidatee Saddex dhalay warkoodiyo, waxay saaka joogaan Xogta aan ku siiyoo, Sarta kaaga jeexee Saaxiib ma nabad baa? Sumadeedu waxay tahay, Sheekadu sal-fududaan Ama socodka qaarkiis, kuma sama-falaysoo Cabdiyow ka Saan weyn, Suxullada la gaaroo Sinta waxay ku haysaa, Subulaha galbeedoo Ninka saylac joogaa, Sanqadheeda mooyee Ma yaqaan sirteedoo, Orgi sarara weynoo Sogoboo dhufaaniyo, inay tahay Ri' seenyoon kala saari maayoo, Haddii looga sacab tumo Salmihii Gurracaneed, Selel kama baxaysee ha la boodin seeftee, Saaxiib ma nabad baa? Sumadeedu waxay tahay, inta Waranka sooyaan Samaydii ka maqan tahay, inta laba su'aalood Sakaluhu dhex yaalliin, inan Dunida saabkiyo laga saarin tiirkoo, Qorraxdana siraadkiyo laga siibin nuurkoo, La afuufin suurkaan Rabbigay ka sugayaa Sumadeedu waxay tahay, Ninka ootay seeraha Saxarlana ku guursaday, haddii uu nin sare yahay aan laga sed qaadayn, Saadaasha mooyee si kalaan ka yeelaa, Suuroobi maysee Aniguna sidaydaba, Soddohaa Rag kale qabo kuma toobbad seegee Sumaddeedu waxay tahay, Sidi-qabax shan maalmood Sahay loogu talo galay, Soddon laguma gaaree Hadal lama surnaadee, Saaxiibkay Qaysow waxaad Suuban leedahay, Saca Faarso nacayow Sagaal beri adoo qaday, Samsam iyo Bullaalaa Saarkaagu kaa hayn, Saxarlaay ma kula tahay? |
|
|