|
rag siyaasi wada noqoy ! Suugaan ka hadalkiyo, suradiyo murida culus hadalada sadexa maran, halka laga sameeyaa kolba laga salaamaa Duniyahay sabool diid, siyayaaba badanleey majaray ku socotaa, xumo lagaga saahiro suBax noolba waa guul, laga helo sax iyo maan ---------- qofka xiga samaantay, agihiisa surantahay ma ogola suldaameyn, iyo diro ku sabashada hadba sara kaceediyo, sababaha ka dhacayaa nafta lagu sargooyaa, labadeeda saanqaad marba kii sokeeyaa, nafta lagula seexdaa dadku sogordaheediyo, siraheeda culus buu u su'aalo badanyahay sariddiyo rog-rogiddiyo, marba saab ka bixintaa hanku ugu sid tiriyaa sugiddaa leh maahmaah, iyo sawrac gobannimo hiyi baa leh saadaal, iyo saami lagu qado marba sadadu waa meel, samirkaa la qaataa barna qaybtu waa sarar, inaan suuska digashada marka saacu guranyahay, waxa seeto laga dhigay dadku inay ku soomaan, xilka sabanku leeyahay iyo weedha saaloon, sacab maranba loo hayn Sadarrada la qaybka ah. qof saluuga mooyee, hadda cadaygu waa soor sirtu waa ka dhigashada---, marka aan si kale jirin. senge orod la dabo galo, salyar buu u necebyahay codka salalka bayrtiyo, dadka qaar sacsacanoo sirqa ba'an ku noqotoo, marba suuf ku dedayuu sawirkeeda necebyahay. Rag siyaasi wada noqoy, wada furay silsiladaha hadba taanu suurayn, yidhi anigu aan saxo Sarrif hadal ku daaldaal, marwo dumar ku noqoy saxal subkay heeganteedii, silicana ku keli yeel suxullada habaaska leh, sabadiyo rugtiisii sarajoog ku laablaab, ama jiif ku sii gee ninna seeg ku noqon waa, xil sariirta kaligeed adna hooyo saxarlaay, surin kugu bannaanaa aqallada ximraa suran, sigashay ku baridaa dadku sabanka maantii, sahwi bay ku joogaan saqda dhexe habeenkii, sardhadii ku lulanyahay surmi bay ku huruddaa ama ciil la kala socoy, ama cadho la kala suur dhasha saxalku hayn waa , surbacaadka raacraac lagu qaad far iyo suul Mar salaadda jiir-jiir, marna umalka seeraar si sawaaban yeel yeel, dadku segeger mood-mood Sunbo loogu yeer-yeer, dulucduna ka samarkiyo nin wax saaray maahee, sinji hirashadiisiyo saameynta wadartiyo, xogta garasha aan sulin summad baanay weli hayn, cidna lagula saayido Mar hadday sirgaxantahay, dadku saangab wada yahay sannadaha ku kala weyn, lixdan iyo sagaal kulul kuma kala sarreeyaan kulammada sawaxanka leh, suti muranka yaalliyo salowggooda baxayaa, suruq buu dugsanayaa derejaan la kala sidan, ala soocda laba ruux ---- haki iyo sed baan jirin. Dhulka suur ku yeedh-yeedh, bulsho loo sanqadho badi sac-sac raaca loo diid, sakaraad la wada noqooy. Dhaqan lagu sariigtiyo, berigii soddohaleey saranseer kadaba yimi, dadku wada salfududaa Sanifaadda wada baray, iyo saarka tumashada baday seef la boodkii, sunta qoosh la kala dhaxal Sahan iyo baxnaaniyo, noloshuba sansaan --------------- ma dhex yaal sureerkii, haddaan soohdin kale jirin Waxan suuragalin karin, dadku inuu sidalagtiyo ------------ ????? afka suuq ku kala baxo. Rabbi sama falkiisiyo, saka weeye garashadu lagu saanto xigatada, satiyada aqoontiyo noloshana sal iyo baar waxaa looga simanyahay, waa siraad kadhigashada hadba tii ku seegtoo, waxa laysu siiyaa salka lagu fadhiistiyo, inaan seesku dheeliyin hadday saancad dunidii, adoo sayn cad kugu tahay saymaheedu meel buu, ilaa saaka kuu yiil haddaan sooryo waayeel, sanku neefle kuu hayn cid baan saaf la dheegtiyo, xarig soohan kaa hayn. haddii duul ku sahashado, ama sebi xaq kugu luro sed ka maqan tirsanayaa, sumal-haadka shidayaa waa saruurad haysee, selel yaanay kugu ridin. |
|
|