|
Quduro Cabdi Aadan Qaysow, qoffi soconayaan ahay qaro iyo laxaad iyo, qoton waa halkoodii Ul qallalan umaan dhalan, qurux kama marnaan jirin hana qaad filkaygiyo, ka da'weyni qayrkay. Hilbahayga qoonmiyo, qayaxnaanta jaahiyo sida qaansadii godan, jooggan soo qandoodsadey qurubsiga tallaabada, qalqalloocan igu dhacay ma lahayn qallaafee, qoontayda hoosiyo waxa qaabkan iga dhigay, Qisadaas ma haysaa? Maxaa iga qabyo ah hawl, wax ka qabashadeeduna qayrkay ku xiran tahay Maxaa qalinku sheekiyo, qubanaha dharaartiyo kolba qodob la yaabliyo, mahadhooyin qorayaa! Maxaa Feero qaaxiyo, qulub kala kexeeyeen qoomammadu damqaysaa Maxaa ciin la qooshiyo, Waabay qaraaroo Dacar lagu qasaasiley, iyo quursi daba yaal Afar aan is qabannoo, Cabsi loogu qumayaa Qamuunyada dibnaha iyo, Qacda labada fool iyo maxay qaawinta ilkuhu, Qanja-barar isku hayaan Maxaa qiiro hoosiyo, ilmo qubatay gocashadu ha i qarin ku leedahay, isaguna qabaal iyo Qaba dheer ku shubayaa Maxaa ruux qaldhebayoo, Qormadii rugtiisiyo Qudha laga toleeyoo, misna quusan waayoo Nafta quuri waayoo, Qarandida sideedii Qodanaaya Booraan Godka meel qarkiisaa, Qoobley ordaysiyo Fardo qaxay ku jiireen Maxaa seefo qawliyo, Gudmo lagu qaraabtaa Damal adag qarqooreen Dadku dhagar qaboobaa, Qaantoodu fududaa Qarqarsigu ku adakaa, Ninka qoofashee yiri Qoorta hoos u wada rogaa, Qoontooda badiyee iyagoo qiyaamiyo, Bad qaloonbineysiyo ku dhex jira tog qawlay, Qoyanaanta diidaan iyagoo qaldhebayoo, Qatanoo arradanoo Gabaddano qarqarayoo, Nolol qaawan joogey Burka qaraf ka dhawraan Qawdan waa nin keliyee, Haddaan qaybta loo burin Wiyil qoora laga dhigin, Qaran kuma hoggaansheen Qaaraan gumaystiyo, Qalle lagu hungoobiyo Qalam jalam hadoodilan. Ma lafaha qandoodiyo, Saadaal qallalanoo lagu qiil banaystiyo, Riyo qabaxtankeediyo Qaadaa dhiggeediyo, Qashar iyo salool baan Qalalaasahaan gebay, ii qumiya leeyahay Ma quruumo ciiddiyo, Qawlallada Aboorkiyo inta dulin qaraabtiyo, Qablantadu ku kulantee Canka lagu qariidiyo, Qabri lagu ducaystay Qabyaday ku xidhan tahay ? Ma qorshaha Bareerkiyo, Quxub lagu hirgeliyee Qori tuurka Saadooy, lagu kala sed qaatey Qaddar dhacay u haystaan ? Jidku Qarar xiriiriyo, Qodax iyo dhib badanaa Qarnigaynu joogniyo, Qarda jeexa yays baray? Dadka yaa Qareenkiyo, Qolo qolo u kala raray? Qoqobada dhex taalliyo, Tolow Qalada yaa baray? Qorannimada waa tii, Qoor-gooyo laqan iyo Qaryad weer cad xiratiyo, lagu helay qisaastee Hadmaa qaabkan loo roggey?, Bulsho qura la saanyadey Qaydar iyo galool iyo, Qansax miiran laga dhigay? Qandigiyo mareegtaay, Qalwadiyo sursuurtaay iyadoo qaskaagiyo, Raggii aad qalqalatee Qawlaha u loogtee, tiri qaybi dawacada Qoyantahay raqdoodii, Qummanihi degaankiyo, Qarareytidiisii Qummayada dabkeediyo, lagu shiilay qaxankee Qunbeyaasha lagu shubay adigoo qurquriyoo, ku qubeystey dhiiggii iyadoo qalfoofkiyo, Haradoodu qubantahay haddaad soo quturantahay, ama weli Qor kuu haray Qoysku waa hadhiinoo, Qabku maaha Beentaa Qudha loo kal tiriyaa, Qusur kama fogaatee inaQayte yeelkii, ha qurquriyo caanaha Qadda ruuxna haw dhamo, haddaan qaamudkay gelin Anigiyo rag ila qaba, Qoomaasha murugada Qodkaan bixiyey laamaha, Dabna wuu u qolof dhici Qaybdiid haddii uu, Qado wadari leedahay Qoondaystay keligii Gaarriyow nin qaddanaa, Qiimeeya noloshoo weligii qaddariyee Qaska iyo colaaddiyo, kama naxo qulquladaha Qarfihiyo Abaaraha, Rati qooqan baan ahay Maskaxdaydu qayliyo, qiiq baa ka baxayoo Bulsho qawqab diiddaan, bal inay qamaamaan Qab-qabaha u tumayaa Nin qab ii dhigaayaan, anna qool u xirayaa qoortaydu waa iib, wax ka qaaya weynoo u qalmaan u hurayaa. --- D H A M M A A D --- |
|
|