|
Hablaha Geeska Ma geyoon ma gamashiyin, Ma gommodin ma gaagixin Ma gabloobin maan gurin, Mana gabin halkaygii Gabaygiina maan deyn, Geeraarradaydii imminkaan gardaadshoo, Weli maan gunaanadin Murti nimaam gunteediyo, Baran gogol-dhiggeedoo Gonda degi aqoon oo, Garab-daar lahayn baa Gawl-gawla hadalkoo, Kolba dhinac garoocdee sida Webi Ganaanoo, Cirka godollo maaloo Biyihii ku gaaxdiyo, Gebiyadii kusoo degey Ku darsaday gufaaciyo, Guullama diriroo ----------- Galli jabay habeenkii, kolba gacan masoo rogay Quraciyo galoolkii, Gunta xididka maw jaray Dhulka wada galaal iyo, Gabbalaha makaga tegey Afartaa geddaydii, Dhaha laygu garan jirey Gurmashada dagaalkiyo, Gulufkiyo colaadaha Goobaha naf waagiyo, Halka laysku gowroco Marka gorodda lays daro, Haddaan dumarku goonyaha Guubaabo kicinayn, Sida galowga dhiilloon illaa Geesi qayrkii, Birta kuma gumaadeen! Gu' hagaagay oo da'ay, Dhulka geedo jiifaan Gurya-samo barwaaqaa, Haddii geeddi lagu furo Dhallinyaro is gurataa, Gurdan raaca fiidkii Gole weyn ku kulantoo, Cagta garan-garkeediyo isu geysa jiibkoo, Googooska luuqdiyo Gedda sacabka loo jaro, Hablahaa u gaaroo Garashada codkoodaa, Qof gaboobay kicisoo Gelbiskiyo mashxaraddaa, Gama' kaa ilaashee Haddaan gabari boodeyn, illaa gegi cayaareed Wax ma dhaanto geriyaad Haddaan guudka laga jarin, Gudihiisa xaabkiyo Cayayaanka laga gurin, Marwo dumar garka u xiran illayn guri dugsoon maleh Gaadaha habeenkii, Kelidaa galgalashiyo Ged-geddoonka dhalisoo, Adigiyo go'aagaa Hadba dhinac u guuroo, Barkintaad gabbood iyo Gaashaan ka dhigataa, Haddaan guud haldhaaley kolba gacan la saareyn, illayn gogoshu wehel ma leh Kuma galo adduunyada, Ninna goonni-socodkoo Marwo garasho dheer baa, Ninka raga u gudinoo iyadaa guddoonkiyo, Gar-hayaha naftaadiyo Gaadiidka reerkiyo, Gurgurshaaga noqotoo Arrin kula gorfaysee, Haddaan gaari kula jirin illaa noloshu guul ma leh Gocashada xanuunka leh, Waxaan uga goleeyey Go'i waa barbaareey, Gobi waxay ku dhaqantaa Garab waxay ka dhigataa, Gallad waxay ku dheeftaa Samo waxay ku gaadhaa, Gololladda haweenkee Hiddaheena gaarka ah, Hablihii gabowgiyo Geerida ku sugi jiray, Hablihii garayskiyo Xiran jiray guntiinada Hablihii Gu' iyo Dayr, Sida baarqab golongolay Dhexda xarig ku goyn jiray, Hablihii garaaraha Gaatin-socodka laafyaha, Sida gorayga ciideed Gelbin jiray tallaabada, Hablihii gun iyo baar Isha gacalo-eegtaa, Gama' aanay ledi jirin Hablii talada guunkiyo, Gunti jirey xishoodkee ------ ??? Hadalkoodu gaabnaa, Hablihii gef hooyiyo Qarsan jirey guhaaddee, Haday godollo soomaan Haddey gaajo liitaan, Cidi aaney garan jirn Hablihii gammaan faras, iyo Geela ugubka ah Guur doon ka bixin jiray, Hablihii Gargaar iyo Guuleed ku curan jiray, Goldaloollo iyo ceeb Hablihii ka guban jiray Hablahaan gankoodiyo, Hilibkooda gadi jirin Haddii aad gujeysaan, Guulguul ku leysaan Godol qura ku mooddaan, Gabbalkooda dumisaan Hadba tooda gooshaa, Ganacleyda jabisaan Dadku gabanna xoor iyo, Garacley yiraahdaan innagoo gumowniyo, Dhaqan guurey weeyee Gocashada xanuunka leh, Waxaan uga gol leeyahay Godob Aabbe faley baa, Ubadkiisa gocondhiyo Gumarshiga ku noqotee, Gebi dheer ku dumisee Ninka inan ma geydaa, Gol qaniin ku maalee Gurrac kaga daneystow, Waxaad gaax saneysiyo ------ Gashigaad cuneysiyo, Xumahaad geleysaa Ruuxey ka go'an tahay, Gabadhaada weeyee Gefka aad faleysiyo, Waxaad geysanaysaad Galab kale ka sheekeyn Gebagebada sheekada, Bal aan soo gunaanado Guddoonsiiyo jiiftada, Gebigeed adduunyada Gobol-gobol u qaadoo, Hablo weerar geli kara Hablo geela dhicin kara, Hablo geesi dili kara Gobonimana hanan kara, Hablo talada goyn kara Garta madal ka niqi kara, Garashana iskaga mida Quruxdana ka wada gob ah, Geesteena mooyee Gayi kale ma joogaan. |
|
|