|
Gudban Waa duni la gaadoo, iyadoon gabow iyo Geerida ka dhow iyo, Geeddiba ku talo gelin Seeftii qur gooyada, Galka looga siiboo Soo guur la yiriyoo, waxay gaaxsanaysiyo Khasnadii guraysoo, Daba goosanaysoo is gunaanadaysoo, Waagii guduutaba Ged kalaad ku aragtaa, Gurrac lagama waayee Sheekadu ged iyo xeel, Af-gobaadsi weeyoo Raagaa sar-gooyoo, Cali baa gardaadshoo Gedihii Qamaan iyo, Gabaygii Salaan iyo Gudbantii Darwiishkiyo, Murti weeye gibilloo isku joog gun iyo baar, Midabkii is-gaariyo Inan gacan farshaxan ihi, Harraray garaariyo Gaashooyin marisiyo, Googoos la saaroo Nin gardaadsha mooyee, Ruuxii gudaanihi ka sal-gaari maayee, Googgaa abwaankow Gabar caana nuugoo, Gugan maanta dhalatoo Dhul gurguurad mooyee, Garanaynin socodkoo Gosha lagu xambaaroo, Hayaanka iyo geeddiga Awr loo gureeyoo, Gaadiid la saaroo Misna guudka dabatoo, Garka aan furaynoo Debcinayn garayskoo, Guurguurka noloshiyo Godadkii is daba yiil, isku garab maraysoo Goormaan lammaanaan, Ama lay gelbinayaa Taladeed ku gaw tiri, Waa xaal gurracanoo Gurranoo la yaablee, Waxaan uga gol leeyahay Ruuxii gartow sheeg. Geel aan Irmaan iyo, Gabno iyo candhooliyo Madi guuto deeqdiyo, Gaaniyo horweyn iyo Awr goola wadan oo, Gaban daadahaynoo Gallad cidi ku qabinoo, lala gelin Haruubkoo Geedaha aqoon oo, Garow loo bisleeyoo Geeslow Biciidkiyo, Garanuugta seenyoon loo soo gabraaroo, Misna guul-darraystow Ganac loo wardheeroo, Cidi gaari weydoo Ninna goosan waayoo, Dhaqankiisu gaar yahay waa Xaal gurracanoo, Gurranoo la yaablehe waxaan uga gol leeyahay, Ruuxii gartow sheeg. Waayeel gadoodoo, Gacalkii ku duuloo Guluf weerar saaroo, Gamcihii dhiiggii Gororshoo ku mayroo, ma hadhooyin geystoo Misna loo garaaboo, Godob reeb la siiyoo Inan loo guddoonshoo, Gudbiyoo is dhaafshoo Gocor aan xil hanan iyo, Nin labaad u guurshoo ka gabbaati qaatoo, Yidhi gaari maahayn Waa xaal gurracanoo, Gurranoo la yaablee Waxaan uga gol leeyahay, Ruuxii gartow sheeg |
|
|