AFAR WAA MAHIIGAAN 21-12-2004

Aabbahay macaanow murtidad maanta ii marisay

maahmaahya afarreeya een seegin marinkeeda

aniguna min guurshoon dabeed maanso ku habeeyey

waxaad tiri adoo maarriyoo weliba miisaamay

AFAR waa mahiigaan mushkilo lugu madoobaado
afar baa u maaraa dadkoo ugana moodaane
afar baa macaan malab lahoo muudsi ku idlaata
afar baase mawdahoy nacdaa madashi loo geeyo.

- MUGDI waa mahiigaan indhuhu muuno tirayaaye
dayax baa u maaraa ilaah nugu mannaystaaye
maalin baa kaa fiicano macaan oon madow jirine
maxay uguse taallaa midkaan arag u muuqaynin ?

- COLKU waa mahiigaan hadduu mooro duug yahaye
waxa maaradiisaa col aad meel ku dhurataaye
nabad baa ka fiicano macaan lana macaashaaye
fuley baase meel la’ oon hubseyn mugusha tiisaaye.

- ABAAR waa mahiigaan naflaha lugu maliilshaaye
burka iyo biyaa maara oo luguna moodaaye
aaran baa macaan iyo rahdoo meel ka dhaada lehe
maxay uguse taallaa midkii xero madow jooga ?

- NAAG XUN waa mahiigaan beliyo good mus kuu galaye
xidid baa u maaraa hadduu kuu miciinayo e
gaari baa ka fiicanoo man iyo miraha doocaana
doqon baase maydoon lahayn meel la mariyaa dheh..
————-0————